Энэхүү судалгааг ”Тогтвортой хөгжлийн боловсрол” төслийн захиалгаар “Нийгмийн бодлого, хөгжлийн судалгааны хүрээлэн” гүйцэтгэсэн бөгөөд бага, дунд боловсролд жендэрийн асуудлаар хийгдсэн анхны цогц судалгаа юм. Судалгааг бүрэн дунд боловсрол олгох үйл явцыг жендэрийн үүднээс шинжлэх, жендэрийн асуудал орхигдож байгаа буюу жендэрийн асуудлыг бодолцолгүй гаргасан бодлого зохицуулалтыг илрүүлэх, улмаар сургуулийн орчинд жендэрийн тэгш байдлыг хангахад чиглэсэн үйл ажиллагааг зөвлөх зорилготойгоор гүйцэтгэж,  7 аймгийн 14 сум, УБ хотын 9 дүүрэгт үйл ажиллагаа явуулж буй 23 сургуулийн нийт 1520 зорилтот бүлгийн хүн ам (удирдах ажилтан, багш, хүүхэд, эцэг эх)-ыг хамруулсан.

Нийт судалгаанд респондентуудын 54 хувь нь эрэгтэй байсан бөгөөд 33 хувь нь 25-40 насны бүлэгт харьяалагдаж байв. Мөн боловсролын байдлаар нь авч үзвэл 29 хувь нь дипломын буюу бакалаврын түвшинд суралцсан иргэд байсан болно. Ажил эрхлэлтийн байдлын тухайд 39 хувь нь төрийн байгууллагад ажиллаж байсан бол 24,1 хувь нь хувиараа хөдөлмөр эрхлэгч, эсвэл хувийн хэвшилд ажиллаж буй иргэд байлаа. Өрхийн шинжийн хувьд 3-5 ам бүлтэй өрх давамгайлсан бөгөөд 70,9 хувь нь энэ бүлэгт хамаарагдаж байв. Өрхийн орлогын хувьд нийт судалгаанд хамрагдагсдын 89 хувь нь 1

Энэхүү тайлангаар танилцуулж буй суурь судалгааны ажлын зорилго нь эхний хувилбараар Монгол Улсад 1997-2005 онд хэрэгжсэн “Бүх нийтийн экологийн боловсрол” үндэсний хөтөлбөр болон ЮНЕСКО-ийн “ТХБ-10 жил”-ийн хугацаанд хэрэгжсэн үйл ажиллагааны суурь нөхцөл байдал, удирдлага зохицуулалт, одоо хэрэгжиж байгаа төсөл хөтөлбөрт үнэлгээ өгч, цаашид Тогтвортой хөгжлийн боловсролын үндэсний хөтөлбөрийг шинээр боловсруулахад тусгах зөвлөмж боловсруулахад оршиж байсан. Гэвч Мянганы хөгжлийн зорилтууд (MDG)-ыг “Тогтвортой хөгжлийн зорилтууд” (SDG) болгон шинэчлэн өөрчилж, “ТХБ-10 жил” дуусаж, ЮНЕСКО-оос өнгөрсөн 10 жилийн үйл явц, үр дүнг үнэлж, цаашдын 15 жилийн үйл ажиллагааг төлөвлөөд